Ижтимоий тармоқларда Сирдарё вилояти Янгиер шаҳар ҳудудидан оқиб ўтувчи Саркисов каналига 17 ёшли йигит чўкиб кетгани тўғрисида хабарлар тарқалди. Вилоят ФВБнинг маълум қилишича, ҳозирда ғаввос-қутқарувчилар каналда қидирув ишларини олиб бормоқда.
Маълумотларга кўра, 26 апрель куни Сирдарё вилояти Фавқулодда вазиятлар бошқармасига Янгиер шаҳар «Фазилат» МФЙ ҳудудидан оқиб ўтувчи Жанубий Мирзачўл каналида 17 ёшли фуқаро Ў.С. белгиланмаган жойда чўмилаётган вақтида чўкиб кетгани бўйича хабар келиб тушган.
Воқеа жойига дарҳол вилоят ФВБ Ёнғин-қутқарув отряди ғаввос-қутқарувчилари етиб борган ва ҳозирда қидирув ишлари амалга оширилмоқда. Шу билан биргаликда, вилоят ФВБ ва ИИБ томонидан дастлабки суриштирув ишлари олиб борилмоқда.
Эслатиб ўтамиз, 2021 йилнинг март ойида Катта Фарғона каналида чўкиб кетган ўсмир йигит мурдаси икки ойдан ортиқ вақт ўтиб топилганди.
Изоҳ (0)