Техникум битирувчилари олий таълим муассасаларининг 2-босқичидан ўқишни давом эттириши мумкин бўлган ўз соҳасига мос бакалавриат таълим йўналишлари рўйхати тасдиқланди. Бу ҳақда Олий ва ўрта махсус таълим вазирлиги хабар берди.
Ушбу рўйхат орқали техникум битирувчилари олий таълим муассасаларининг қайси бакалавриат таълим йўналишларида ўқишни давом эттиришларини билиш мумкин. Тўлиқ рўйхат билан қуйидаги ҳавола орқали танишиш мумкин.
Маълумот учун, 2022/2023-ўқув йили қабулидан бошлаб техникумларда ўрта махсус профессионал таълим дастурларини муваффақиятли тамомлаган битирувчилар мос бакалавриат таълим йўналишлари бўйича кириш имтиҳонларисиз якка тартибдаги суҳбат орқали олий таълим муассасаларида 2-босқичдан ўқишини давом эттириш ҳуқуқига эга.
Аввалроқ Ўзбекистонда беш йиллик иш тажрибасига эга хотин-қизлар ОТМларга имтиҳонсиз қабул қилиниши мумкинлиги, мамлакатдаги олийгоҳларга кириш учун топшириладиган тест синови фанлар мажмуаси, топшириқлар сони ҳамда уларни баҳолаш мезонлари тасдиқлангани тўғрисида хабар берилганди.
Изоҳ (0)