Ijtimoiy tarmoqlarda Sirdaryo viloyati Yangiyer shahar hududidan oqib o‘tuvchi Sarkisov kanaliga 17 yoshli yigit cho‘kib ketgani to‘g‘risida xabarlar tarqaldi. Viloyat FVBning ma’lum qilishicha, hozirda g‘avvos-qutqaruvchilar kanalda qidiruv ishlarini olib bormoqda.
Ma’lumotlarga ko‘ra, 26-aprel kuni Sirdaryo viloyati Favqulodda vaziyatlar boshqarmasiga Yangiyer shahar “Fazilat” MFY hududidan oqib o‘tuvchi Janubiy Mirzacho‘l kanalida 17 yoshli fuqaro O‘.S. belgilanmagan joyda cho‘milayotgan vaqtida cho‘kib ketgani bo‘yicha xabar kelib tushgan.
Voqea joyiga darhol viloyat FVB Yong‘in-qutqaruv otryadi g‘avvos-qutqaruvchilari yetib borgan va hozirda qidiruv ishlari amalga oshirilmoqda. Shu bilan birgalikda, viloyat FVB va IIB tomonidan dastlabki surishtiruv ishlari olib borilmoqda.
Eslatib o‘tamiz, 2021-yilning mart oyida Katta Farg‘ona kanalida cho‘kib ketgan o‘smir yigit murdasi ikki oydan ortiq vaqt o‘tib topilgandi.
Mavzuga doir:
Izoh (0)