Ўзбекистонда қурол ва ўқ-дорилар муомаласини давлат томонидан тартибга солиш ва назоратни амалга ошириш функциялари ички ишлар органларига ўтказилади. Бу ҳақда Сенатнинг 25-ялпи мажлисида маълум қилинди, деб хабар беради «Дарё» мухбири.
Маълум қилинишича, Олий Мажлис Сенатининг ялпи мажлисида «Қурол тўғрисидаги қонунчилик такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш ҳақида»ги қонун кўриб чиқилган.
Қонун билан амалдаги 2 та кодекс ва 6 та қонунга ўзгартишлар киритиш назарда тутилмоқда. Жумладан:
- ўқотар бўлмаган қурол билан қонунга хилоф равишда муомалада бўлиш ёки қурол муомаласи қоидаларини бузганлик учун жиноий ва маъмурий жавобгарликлар назарда тутилмоқда;
- Ўзбекистон фуқароларининг фуқаровий ов қуролини ва унинг ўқ-дориларини олиш ҳуқуқига эга бўлиш учун ёш сензи 25 ёш этиб белгиланмоқда (амалдаги қонунчиликда йигирма бир ёш);
- фуқаровий қурол ва унинг ўқ-дориларини ҳадя этилишини тақиқлаш назарда тутилмоқда.
Изоҳ (0)