Жиззах ва Самарқанддаги тошқин оқибатларини бартараф этиш бўйича тегишли чоралар кўрилмоқда. Бу ҳақда Сенат раиси Танзила Норбоева Олий Мажлис Сенатининг йигирма бешинчи ялпи мажлисида айтди, деб хабар бермоқда «Дарё» мухбири.
Сенат раиси президентнинг Қашқадарё вилоятига ташрифи ҳақида гапириб, ушбу ташриф ҳам вилоят ривожида янги марралар олинишига асос бўлганини айтди.
«Ўтган галги мажлисимизда биз ушбу вилоятда янги туман – Кўкдала туманини ташкил этиш бўйича қарор қабул қилган эдик. Ташриф доирасида президент ушбу туманда ҳам бўлиб, уни ҳар томонлама ривожлантириш бўйича мисли кўрилмаган даражадаги катта ишларга тамал тоши қўйди. Қашқадарёни ривожлантириш бўйича ҳам ҳукумат қарори билан 5 йиллик чора-тадбирлари қабул қилинди. Ҳудудларимизга бўлаётган бундай юксак эътибор ҳудудлар палатаси сифатида бизни хурсанд қилиши табиий ва айни пайтда масъулият ҳам юклайди», — деди Сенат раиси.
Танзила Норбоева яқинда рўй берган сел тошқинлари оқибатида айрим ҳудудлар, хусусан Жиззах ва Самарқанд вилоятлари аҳолиси талафот кўрганини эслаб ўтди.
«Минг афсуски, қурбонлар ҳам бўлди. Фурсатдан фойдаланиб, табиий офат оқибатида ҳалок бўлганларнинг оила аъзоларига ва яқинларига барча сенаторлар номидан ҳамдардлик изҳор этаман. Тошқин оқибатларини бартараф этиш бўйича тегишли чоралар кўрилмоқда. Ишонамизки, ҳукуматимиз тез фурсатларда мазкур ҳудудлардаги шарт-шароитлар тўлиқ тикланишини таъминлайди», — дейди у.
Мавзуга доир:
- «Қўшнимизнинг дарвозаси олдидан бир ўлик чиқди — ёшгина қиз экан». Форишликлар Эгизбулоқдаги сел оқибатлари ҳақида
- Селдан зарар кўрган эгизбулоқликлар учун 53 та янги уй-жой ва қўшимча иш ўринлари яратилади
- «Қабристон қайта тикланди, 29 бош мол жасади кўмилди, 1184 тонна чиқинди олиб чиқилди». Эгизбулоқдаги тозалаш ишлари ҳақида маълумот берилди
Изоҳ (0)