Энергетика вазирлиги штаби томонидан 2022 йил апрель ойининг 1—26 кунлари давомида истеъмолчиларнинг табиий газдан фойдаланиш ҳолатлари таҳлил қилинди, деб хабар беради вазирлик матбуот хизмати.
Ўтказилган тадбирларда, ўтган 26 кунда республика бўйича 142 та ҳолатда улгуржи истеъмолчилар томонидан амалдаги қоидаларга риоя этмаган ҳолда 5 миллион 437 минг куб метр ҳажмдаги табиий газдан ноқонуний ва нооқилона фойдаланиш ҳолатлари аниқланган. Бунинг натижасида, газ таъминоти корхоналари манфаатларига 4 миллиард 703 миллион сўм зарар етказилган.
Ушбу миқдордаги табиий газ ўртача 1,5 млн хонадоннинг бир кунлик истеъмолини ташкил қилади. Ноқонуний фойдаланиш ҳолатларининг энг кўпи – Бухоро, Жиззах, Наманган ва Андижон вилоятларида аниқланган.
Аниқланган барча ҳолатлар бўйича тегишли ҳужжатлар расмийлаштирилиб ҳуқуқни муҳофаза қилувчи органларга тақдим этилган.
Маълумот учун, 2022 йилнинг январь март ойларида республика бўйича улгуржи истеъмолчилар томонидан 25 миллиард 831 миллион сўм ёки 4 миллион хонадоннинг бир кунлик истеъмолига тенг ҳажмдаги табиий газдан ноқонуний фойдаланилган.
Аввалроқ Ўзбекистоннинг уч вилоятида 7,6 млрд сўмлик газ ўғирлаш ҳолатлари аниқлангани, Навоийдаги иссиқхона 11 мингдан ортиқ хонадоннинг 1 кунлик истеъмолига тенг газдан ноқонуний фойдалангани тўғрисида хабар берилганди.
Мавзуга доир:
- Жиззахда ноқонуний фойдаланилгани учун газдан узиб қўйилган иссиқхона яна газга уланиб зарар етказишда давом этгани аниқланди
- Самарқанд вилоятидаги газ заправка 5,4 млрд сўмлик газ ўғирлагани аниқланди
- Тошкент вилоятидаги иккита газ заправка 100 минг хонадоннинг 1 кунлик истеъмолига тенг газдан ноқонуний фойдалангани аниқланди
Изоҳ (0)