28 апрель куни Олий Мажлис Сенатининг йигирма бешинчи ялпи мажлиси ўз ишини бошлади. Бу галги мажлис Сенатнинг ижтимоий тармоқларидаги саҳифаларида эфирга узатилмади. UzReport телеканали орқали намойиш этилган тўғридан-тўғри эфири 18 дақиқагина давом этди.
Палата ялпи мажлислари 2019 йилда Сенатга Танзила Норбоева раис этиб сайлангач, жонли эфирга узатилишини йўлга қўйган ва шу вақтгача ўтказилган барча ялпи мажлислар тўғридан-тўғри эфирга узатиб келинаётганди.
Президентнинг 2021 йил июнда қабул қилинган «Давлат органлари ва ташкилотларининг фаолияти очиқлигини таъминлаш, шунингдек, жамоатчилик назоратини самарали амалга оширишга доир қўшимча чора-тадбирлар тўғрисида»ги фармонида Ўзбекистон Миллий телерадиокомпанияси 1 декабрдан Олий Мажлис Қонунчилик палатаси ва Сенати мажлислари, Қорақалпоғистон Республикаси Жўқорғи Кенгеси, халқ депутатлари вилоят, туман, шаҳар кенгаши сессиялари (ёпиқ мажлислар бундан мустасно) телеканаллар, шунингдек, Интернет тармоғи орқали жонли эфирга узатилишини таъминлаши белгиланганди.
28 апрелда намойиш этилган 18 дақиқалик тўғридан-тўғри эфирнинг деярли 10 дақиқасида журналист Мақсуда Абдуқаюмова кун тартибида кўриб чиқиладиган қонунлар тўғрисида гапирди. 11-дақиқада мадҳия янграганидан сўнг, Танзила Норбоева президент Шавкат Мирзиёевнинг Қашқадарё вилоятига ташрифи, 2022—2026 йилларда Қорақалпоғистонни ривожлантиришнинг беш йиллик дастури ҳақида, Самарқанд ва Жиззах вилоятларида содир бўлган сув тошқинлари ҳақида сўзлади. Норбоева сенаторлардан у ёки бу масалалар бўйича фикр-мулоҳазаларини сўради, шундан сўнг эфир узилиб қолди.
Бу ҳолатга жамоатчилик турлича муносабат билдирди.
Парламент шаффоф бўла олмас экан, бошқалардан хафа бўлмаса ҳам бўлади
Бугун Сенатнинг навбатдаги ялпи мажлиси бўлиб ўтмоқда. Танзила Норбоева сенат раиси бўлганидан бери, адашмасак, биринчи марта тўғридан-тўғри эфирга узатилмаяпти. Қонунчилик палатаси ялпи мажлислари ҳам тўғридан-тўғри эфирга узатилмай қўйди. Парламент моҳиятига кўра очиқ ва шаффоф бўлиши керак, аслида унинг мажлислари тўғридан-тўғри эфирга кетишини талаб қилиш мантиқсиз. Чунки депутат ва сенаторнинг ўзи бундан манфаатдор бўлиши лозим. Ваҳоланки, президент фармонида бу талаб оқ-қора қилиб ёзиб қўйилган эди. Парламент шаффоф бўла олмас экан, бошқалардан хафа бўлмаса ҳам бўлади.Қонунлар, қарорлар ва фармонларнинг очиқчасига бузилишига секин-аста ўзимизни кўниктириб боришимизга тўғри келадиганга ўхшайдиОтабек Бакиров — «Bakiroo» Telegram-канали
Айтиш жоизки, Олий Мажлис Қонунчилик палатаси ва Сенати мажлислари жонли эфирда узатилиши — бу президент фармони талаби ҳам. Бундан буёғига қонунлар, қарорлар ва фармонларнинг очиқчасига бузилишига секин-аста ўзимизни кўниктириб боришимизга тўғри келадиганга ўхшайди.Салом, Эски Ўзбекистон!«Давлетовуз» Telegram-канали
Салом, Эски Ўзбекистон! Сенат ҳам, Қонунчилик палатаси ҳам ўз йиғилишларини жонли эфирда кўрсатишни тўхтатди. Энди бундан буён сенаторлар ва депутатларнинг муҳокамалари кенг жамоатчиликнинг кўзидан йироқ, ёпиқ эшиклар ортида ўтадими?Ҳуқуқшунос Хушнуд Худойбердиев
Изоҳ (0)