Toffi sousi shirinliklar uchun ayni muddao. Marie Claire nashri uning yordamida tayyorlanadigan shirinlik retseptini taqdim etdi. Pazanda bekajonlar iftorlik yoki har qanday bayram dasturxoni uchun ushbu retseptdan barchaga manzur keluvchi desert tayyorlashi mumkin.
Kerakli mahsulotlar:
Puding uchun:
- sariyog‘ — 165 gramm;
- shakar — 440 gramm;
- tuz — 5 gramm;
- vanil — 15 gramm;
- tuxum — 3 dona;
- un — 500 gramm;
- qabartma — 14 gramm;
- xurmo — 325 gramm;
- suv — 700 ml;
- iste’mol sodasi — 14 gramm;
- jigarrang shakar — 750 gramm;
- qaymoq — 450 ml;
- tuz — 6 gramm;
- vanil — 25 gramm;
- sariyog‘ — 420 gramm.
- Shakar va qaymoq 5 daqiqa qaynatib olinadi. Ustidan tuz va vanil solinadi. Massa olovdan olinib, biroz sovitiladi. So‘ngra sariyog‘ qo‘shiladi. Tayyor bo‘lgan sous muzlatkichga qo‘yiladi.
- Xurmoga suv qo‘shib, blenderda maydalanadi. So‘ngra biroz qaynatiladi. Massa qaynashiga yaqin iste’mol sodasi qo‘shiladi va 1-2 daqiqa aralashtirilib, olovdan olinadi.
- Xamir uchun sariyog‘, vanil, shakar va tuz mikserda aralashtiriladi. Oz-ozdan tuxum va qabartma qo‘shiladi. Sovitilgan xurmo ham qo‘shilib, yaxshilab aralashtiriladi.
- Puding xamiri 90 grammli qoliplarga quyiladi va 15 daqiqa davomida 180 daraja pechda pishiriladi.
- Toffi sousi issiq puding ustiga quyiladi va bir kechaga sovitishga qo‘yiladi.
Izoh (0)