РоссияЕвроиттифоқнинг Москвадаги ваколатхонасида ишлаган 18 нафар ходимни persona non grata деб эълон қилди. Россия ташқи ишлар вазирлиги бу борада расмий баёнот берган.
Баёнотда исм-шарифлари қайд этилган дипломатлар яқин вақт ичида Россия ҳудудидан чиқиб кетиши лозим.
Россия ТИВ ЕИ ваколатхонаси раҳбари Маркус Эдерерга мамлакатнинг Европа иттифоқидаги доимий ваколатхонасида фаолият олиб борган атом энергияси масалалари бўйича 19 нафар ходимни persona non grata деб эълон қилинганига кескин жавоб эканлигини билдирди.
ЕИ Россиянинг бундай йўл тутганидан афсусдалиги, 18 нафар дипломатнинг ортга қайтарилиши кутилмаган, тушунарсиз қарор эканлигини таъкидлаган.
Россия февраль охирида Украинада уруш бошлаганидан бери Европанинг кўплаб давлатлари, жумладан Франция, Италия, Германия, Словакия, Хорватия ва бошқа мамлакатлар оммавий равишда россиялик дипломатларни ўз ҳудудларида чиқариб юбормоқда. Умумий ҳисобда Россиянинг турли мамлакатлардаги дипломатик ваколатхоналаридан 200 дан зиёд ходим persona non grata деб эълон қилинган. Москва ҳам ушбу ҳаракатларга жавобан хориж давлатларининг дипломатларини ўз юртига қайтариб юбормоқда.
Изоҳ (0)