Қозоғистон Россиянинг «Сбер» компаниялар гуруҳи билан рақамлаштириш, платформа моделига ўтиш ва Data-driven Government концепцияси соҳасида ҳамкорлик қилмайди. Бу ҳақда Қозоғистон Республикаси рақамли ривожланиш, инновациялар ва аэрокосмик саноат вазири ўринбосари Асқар Жамбакин маълум қилди.
Геосиёсий вазият ва имкониятларимизни қайта кўриб чиқиш муносабати билан биз Қозоғистон IT-компанияларини жалб қилган ҳолда «НИТ» компанияси билан ўзимиз платформа яратишга қарор қилдик. Ҳозирда техник-иқтисодий асослаш ишлари олиб борилмоқда. Жорий йил охирига қадар янги платформанинг биринчи хизматлари ишлаб чиқилади ва ишга туширилади, — дейди Асқар Жамбакин.2021 йил сентябрда «Сбер» гуруҳи билан ҳамкорлик доирасида меморандум имзоланган эди. Кейинчалик бу қарор Қозоғистон жамияти томонидан жиддий танқидга учраган.
«Сбер» санкциялар остида
АҚШ ва Буюк Британия «Сбер» гуруҳига нисбатан кескин санкциялар қўллаган. Унга кўра «Сбербанк» ва унинг номидан ҳар қандай ҳисобварақаларни очиш ёки юритиш мумкин эмас.
Буюк Британия «Сбербанк» орқали фунт стерлингда амалга ошириладиган ҳар қандай пул маблағларини тақиқлаган. Apple эса «Сбер» гуруҳига тегишли бўлган «Сбербанк»ни App Store’дан олиб ташлади.
Ўзбекистон овозли биометрияни жорий этиш бўйича Россиянинг «Сбер» гуруҳи билан ҳамкорлик йўлга қўйилмоқда, ҳозирда Face ID’ни жорий этиш ишлари олиб бориляпти.
Изоҳ (0)