RossiyaYevroittifoqning Moskvadagi vakolatxonasida ishlagan 18 nafar xodimni persona non grata deb e’lon qildi. Rossiya tashqi ishlar vazirligi bu borada rasmiy bayonot bergan.
Bayonotda ism-shariflari qayd etilgan diplomatlar yaqin vaqt ichida Rossiya hududidan chiqib ketishi lozim.
Rossiya TIV YI vakolatxonasi rahbari Markus Edererga mamlakatning Yevropa ittifoqidagi doimiy vakolatxonasida faoliyat olib borgan atom energiyasi masalalari bo‘yicha 19 nafar xodimni persona non grata deb e’lon qilinganiga keskin javob ekanligini bildirdi.
YI Rossiyaning bunday yo‘l tutganidan afsusdaligi, 18 nafar diplomatning ortga qaytarilishi kutilmagan, tushunarsiz qaror ekanligini ta’kidlagan.
Rossiya fevral oxirida Ukrainada urush boshlaganidan beri Yevropaning ko‘plab davlatlari, jumladan Fransiya, Italiya, Germaniya, Slovakiya, Xorvatiya va boshqa mamlakatlar ommaviy ravishda rossiyalik diplomatlarni o‘z hududlarida chiqarib yubormoqda. Umumiy hisobda Rossiyaning turli mamlakatlardagi diplomatik vakolatxonalaridan 200 dan ziyod xodim persona non grata deb e’lon qilingan. Moskva ham ushbu harakatlarga javoban xorij davlatlarining diplomatlarini o‘z yurtiga qaytarib yubormoqda.
Izoh (0)