Қорақалпоғистоннинг Хўжайли туманида она ўз фарзандларига зулм ўтказиб, уларни хўрлаётгани тасвирланган видео тарқалган эди. Кейинроқ ҳолат юзасидан жиноят иши қўзғатилди. Қорақалпоғистон ИИВ ходими билан суҳбатда она нима сабабдан фарзандларини калтаклаб келганини маълум қилди.
«Қизларимни уриб видеога олганим сабаби эрим Россияда эди, мен фарзандларим билан бирга ёлғиз яшардим. Видеони юбориб, укалари, балки, келиб қарашар деган мақсадда юбордим, йўқ барибир келишмади. Ўртада ота-онам касал бўлди, шок ҳолатда эдим. Қизларимни урганимдан пушаймонман.
Аёлнинг сўзларига кўра, у 2016 йилнинг майда турмуш қурган, кейин июнда эри билан ишлаш учун дастлаб Қозоғистонга кетган, сўнг ўша йили августда Россияга борган. 3-4 ой ишлагач, фарзандига ҳомиладор бўлган ва аёл қайтиб келган. Ҳомиласи 7 ойлигида яна Россияга борган, бироқ бир ой ўтмай яна ортга қайтган.
«Мақсадим, эримнинг уйидан ҳеч ким келмасди, набираларини уриб, ўлдириб қўйсам ҳам, уларнинг (эрининг ота-онаси – Дарё изоҳи) иши йўқ. Видеога ўзим олдим ва эримга жўнатдим, менга раҳми келар, уйидагиларга айтар, бизни ёнимизга келишар деб, лекин ундай бўлмади. Кейин яна видеога олиб жўнатдим, яна таъсир қилгани йўқ. Худо кўзимни очди. Отам ўлди. ‘Отанг ўлдими?’, деб уйга ҳеч ким келгани йўқ», — дейди аёл.
«Қайнонам қўрқитарди тарқатвораман, эртага телевизорда кўрасан, деб. Айтганини қилишди, номардлик бўйича биринчи ўрин. Лекин мардлик қилиб, мен минг ёмон эканман, келиб нега набираларининг бошини силамади. Нега йўл-йўриқ кўрсатмади?», — дейди аёл.
Аёлнинг айтишича, ҳозирда эр-хотин бахтли яшамоқда, бироқ қайнонаси уларни кўра олмай, эски видеоларни тарқатган.
Изоҳ (0)