Ўзбекистонда 2017 йилда чоп этилган амалдаги дастур экспертлар томонидан халқаро дарсликлар ва ривожланган давлатларнинг таълим дастурлари билан солиштириб таҳлил қилинди. Бу ҳақда Халқ таълими ҳузуридаги Республика таълим маркази «Дарё»га маълум қилди.
Тадқиқотда айтилишича, АҚШ Халқаро Тараққиёт агентлиги (USAID)нинг Ўзбекистон баркамоллик учун таълим дастури доирасида олиб борилган ўрганишлар шуни кўрсатдики, илгариги дастур ЮНЕСКО Бутунжаҳон малака дастури билан таққосланганда бошланғич синф ўқувчиларига 50 фоизга яқин ноаниқ малака талаблари қўйилган.
«ТIМSS халқаро дастури билан таққослаганда бу кўрсаткич 47 фоизни, Жанубий Кореянинг таълим стандартлари билан таққослаганда эса 60—64 фоизни ташкил қилган», — дейилади марказ маълумотида.
Қўшимча қилинишича, айни вақтда Миллий ўқув дастури бутунжаҳон малака дастури асосида такомиллаштирилмоқда.
Аввалроқ Республика таълим маркази директори Шуҳрат Сатторов авваллари дарсликлар мураккаб, академик тилда ёзилгани ва бу ўқувчини фандан, мактабдан бездирганини айтган эди.
Изоҳ (0)