Тайёрланиши осон бўлган кокосли кекс рецепти

Кокосли кексларни тайёрлаш жуда осон. Шунчаки барча масаллиқ аралаштирилади ва печга пишириш учун қўйилади.

Керакли маҳсулотлар:

• ўсимлик ёғи — 60 мл;
• ун — 250 грамм;
• шакар — 200 грамм;
• қабартма — 2 чой қошиқ;
• туз — 1 чой қошиқ;
• сут — 180 мл;
• тухум — 2 дона;
• ваниль — 1 чой қошиқ;
• кокос қириндиси — 100 грамм ва сепиш учун.

1. Печ 190 даражада олдиндан қиздирилади. 12-15 та кекс қолипи ёғланади.
2. Ун элакдан ўтказилиб, шакар, қабартма ва туз билан аралаштирилади.
3. Сўнгра сут, тухум, сариёғ ва ваниль солинади.
4. Хамир силлиқ бўлгунча яхшилаб аралаштирилади. Охирида кокос қириндиси қўшилади.
5. Қолипнинг 3/4 қисми хамир билан тўлдирилади. 15-20 дақиқага печга қўйилади.