Ижтимоий тармоқларда Хоразм вилояти Урганч шаҳрида 31 март куни реклама мониторида порнографик видео қўйиб юборилгани ҳақида хабарлар тарқалди. Вилоят Ички ишлар бошқармаси ҳолатга муносабат билдирди.
Қайд этилишича, шу куни соат 19:20 да Хоразм вилояти ИИБ навбатчилик қисмига Урганч шаҳрининг Ал-Хоразмий ва Хонқа кўчаси чорраҳасида ўрнатилган реклама мониторида порнографик мазмундаги видео намойиш этилгани тўғрисида хабар келиб тушган. Ушбу видеолавҳанинг реклама мониторидаги намойиши зудлик билан тўхтатилган.
Ички ишлар органлари томонидан олиб борилган дастлабки тезкор-суриштирув ишлари натижасида порнографик мазмундаги видеолавҳа реклама монитори тегишли бўлган бўлган хусусий фирма ишчиси И.И. (1978 йилда туғилган) томонидан реклама роликларини жойлаштириш жараёнидаги эҳтиётсизлик сабаб жойлаб юборилгани аниқланган.
Ҳозирда ҳолат юзасидан ички ишлар органлари томонидан терговга қадар текширув ишлари олиб борилмоқда. Текширув натижалари юзасидан қўшимча ахборот берилади.
Мавзуга доир:
- Ўзбекистонда порнография ва тақиқланган контентни тарқатганлик учун солинадиган жарима миқдори оширилади
- Шаҳрисабзда Telegram гуруҳига порнографик видеолар ташлаган мактаб ўқувчиларига чора кўрилди
- Ўзбекистонда интернетдаги қонунга зид контентларга қарши курашишга мўлжалланган Telegram бот ишлаб чиқилди
Изоҳ (0)