Ijtimoiy tarmoqlarda Xorazm viloyati Urganch shahrida 31-mart kuni reklama monitorida pornografik video qo‘yib yuborilgani haqida xabarlar tarqaldi. Viloyat Ichki ishlar boshqarmasi holatga munosabat bildirdi.
Qayd etilishicha, shu kuni soat 19:20 da Xorazm viloyati IIB navbatchilik qismiga Urganch shahrining Al-Xorazmiy va Xonqa ko‘chasi chorrahasida o‘rnatilgan reklama monitorida pornografik mazmundagi video namoyish etilgani to‘g‘risida xabar kelib tushgan. Ushbu videolavhaning reklama monitoridagi namoyishi zudlik bilan to‘xtatilgan.
Ichki ishlar organlari tomonidan olib borilgan dastlabki tezkor-surishtiruv ishlari natijasida pornografik mazmundagi videolavha reklama monitori tegishli bo‘lgan bo‘lgan xususiy firma ishchisi I.I. (1978-yilda tug‘ilgan) tomonidan reklama roliklarini joylashtirish jarayonidagi ehtiyotsizlik sabab joylab yuborilgani aniqlangan.
Hozirda holat yuzasidan ichki ishlar organlari tomonidan tergovga qadar tekshiruv ishlari olib borilmoqda. Tekshiruv natijalari yuzasidan qo‘shimcha axborot beriladi.
Mavzuga doir:
- O‘zbekistonda pornografiya va taqiqlangan kontentni tarqatganlik uchun solinadigan jarima miqdori oshiriladi
- Shahrisabzda Telegram guruhiga pornografik videolar tashlagan maktab o‘quvchilariga chora ko‘rildi
- O‘zbekistonda internetdagi qonunga zid kontentlarga qarshi kurashishga mo‘ljallangan Telegram bot ishlab chiqildi
Izoh (0)