Ташқи меҳнат миграцияси агентлигида 31 март куни Ўзбекистонда бўлиб турган Исроил давлатининг ваколатли органлари вакилларидан иборат делегация аъзолари билан учрашув ўтказилди. Бу ҳақда агентлик ахборот хизмати хабар қилди.
Қайд этилишича, учрашувда «Ўзбекистон Республикаси ҳукумати билан Исроил давлати ҳукумати ўртасида Исроил давлатининг меҳнат бозоридаги махсус секторларда ўзбекистонлик ишчиларни вақтинчалик иш билан таъминлаш тўғрисидаги битим» ва баённома лойиҳалари кўриб чиқилиб, фуқароларимизни ушбу давлатда иш билан таъминлаш бўйича музокаралар ўтказилган.
Музокараларда икки томон вакиллари мазкур битим лойиҳасини жорий йилнинг апрель—май ойларида имзолашга келишиб олган. Шунингдек, олиб борилган музокаралар тўғрисида учрашув баённомаси имзоланган.
Мавзуга доир:
- Санкт-Петербургда қийин аҳволда қолган 9 нафар ўзбекистонлик авиарейс билан ватанга қайтарилди
- Ўзбекистонда хорижда ишлаётган фуқаролар ва уларнинг оила аъзоларига моддий ёрдам берилади
- «Осон пул топиш илинжида митинг ва намойишларда иштирок этманг». Миграция агентлиги хорижда ишлаётган ўзбекистонликларга мурожаат билан чиқди
Изоҳ (0)