Бухоро вилоятида табиий газдан ноқонуний фойдаланган гипс ишлаб чиқариш цехи аниқланди, деб хабар бермоқда Иқтисодий жиноятларга қарши курашиш департаменти.
Қайд этилишича, Бош прокуратура ҳузуридаги департаментнинг Бухоро вилояти бошқармаси томонидан тезкор тадбир ўтказилган. Унда «К.А.Р.» МЧЖ томонидан Когон—Қоровулбозор йўналишида тортилган газ қувурига ноқонуний уланиб, ушбу қувурдан МЧЖга қарашли гипс ишлаб чиқариш цехигача ер остидан яширинча 574,28 метр қувур тортиб, табиий газдан ноқонуний фойдаланилгани аниқланган. Тадбиркорлар давлат ва жамият манфаатларига 613,8 миллион сўм зарар етказган.
Ҳолат юзасидан Жиноят кодексининг 185-2-моддаси (электр, иссиқлик энергияси, газ, водопроводдан фойдаланиш қоидаларини бузиш) билан жиноят иши қўзғатилган. Ҳозирда тергов ҳаракатлари ўтказилмоқда
Мавзуга доир:
- Жиззахда ноқонуний фойдаланилгани учун газдан узиб қўйилган иссиқхона яна газга уланиб зарар етказишда давом этгани аниқланди
- Ўзбекистоннинг уч вилоятида 7,6 млрд сўмлик газ ўғирлаш ҳолатлари аниқланди
- Фарғонада газдан ноқонуний фойдаланиб келган оҳак ишлаб чиқариш корхонаси давлатга 180 млн сўм зарар етказгани аниқланди
Изоҳ (0)