Қозоғистонда карантин чекловлари жорий этилгани сабаб Нукус—Бейнеу ва Тошкент—Олмаота йўналишидаги халқаро йўловчи поездлари қатновини бошлаш санасини кейинги муддатга кўчирилди. Бу ҳақда «Ўзтемир йўлйўловчи» хабар қилди.
Қайд этилишича, қарор Қозоғистон ҳудудида коронавирус инфекцияси пайдо бўлиши ва тарқалишининг олдини олиш бўйича Идоралараро комиссия йиғилиши баённомаси билан тасдиқланган.
Йўл ҳужжатларини (чипталарини) сотиб олган ва фойдаланилмай қолган чипталарнинг пули темир йўл кассаларида тўлиқ қийматда қайтарилади. Ёки кейинги саналарга қайта расмийлаштириб берилади.
Эслатиб ўтамиз, Ўзбекистонда илк бор коронавирус аниқланган 2020 йил 16 мартдан бошлаб темир йўл транспорти қатновлари тўхтатилган эди. 2020 йилнинг 15 августидан маҳаллий авиа ва темир йўл қатновлари босқичма-босқич тикланган. Икки йиллик чекловлардан сўнг, қатор давлатлар томонидан поезд йўловчилари учун давлат чегараларини босқичма-босқич очиш борасида саъй-ҳаракатлар бошланган. Биринчи халқаро йўловчи поезди 1 апрель кунидан бошлаб Нукус—Бейнеу—Нукус йўналиши бўйича қатнай бошлаши хабар қилинганди. Шунингдек, 2 майдан бошлаб ҳафтада уч маротаба Олмаота-2—Тошкент—Олмаота-2 йўналишида 1/2-сонли поезд қатнови йўлга қўйилиши ҳам режалаштирилганди.
Изоҳ (0)