Қорақалпоғистоннинг Нукус шаҳрида фуқарони «Қўнғирот минтақавий темир йўл узели» УКга ишга киритиб қўймоқчи бўлган фирибгар ва унинг шериги ушланди, деб хабар бермоқда Иқтисодий жиноятларга қарши курашиш департаменти.
Қайд этилишича, Бош прокуратура ҳузуридаги департаментнинг Нукус шаҳар бўлими томонидан ДХХнинг Қорақалпоғистон Республикаси бошқармаси билан ҳамкорликда тезкор тадбир ўтказилган. Унда фуқаро А.С. фуқаро Д.ни танишлари ёрдамида 3 минг доллар эвазига «Қўнғирот минтақавий темир йўл узели» УКга ишга жойлаштириб қўйишни ваъда қилгани аниқланган. У келишилган пулдан 1 минг долларини олган вақтида ушланган. Фуқаронинг кўрсатувига асосан давом этган тадбирда Қўнғирот саноат техникуми директори М.Т. ҳам 1 минг долларини олган вақтида ашёвий далиллар билан қўлга олинган.
Ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилган. Ҳозирда тергов ҳаракатлари ўтказилмоқда.
Мавзуга доир:
- Сирдарёда танишлари орқали ФВВ тизимига ишга киритиб қўйиш учун фуқародан 800 доллар олган шахс ушланди
- ДХХ нодавлат институтга ўқишга киритишни ваъда қилиб, фуқародан 1500 доллар олган талабаларни қўлга олди
- Фарғонада Кореяга ишга юборишни ваъда қилиб, 2500 доллар олган шахсга жиноят иши қўзғатилди
Изоҳ (0)