Қорақалпоғистоннинг Қораўзак туманида 29 март куни навбатдаги «Айимбет Ахун» жоме масжид рўйхатдан ўтказилди. Бу ҳақда Адлия вазирлиги хабар қилди.
Қайд этилишича, Қорақалпоғистон Республикаси Адлия вазирлиги томонидан 29 мартда Қораўзак тумани «Қораўзак» овули Мирзагалий Дарибаев кўчаси рақамсиз уйда жойлашган «Айимбет Ахун» жоме масжиди 70-сон билан рўйхатдан ўтказилган. Ушбу масжид 200 нафар намозхонга мўлжалланган. Масжиднинг очилиш маросими жорий йилнинг 1 апрелига режалаштирилган.
Ҳозирда Қорақалпоғистонда жами 65 та диний ташкилот рўйхатга олинган. Шуларнинг 62 таси жоме масжиди, 2 таси ноисломий диний ташкилот ва 1 таси Қорақалпоғистон Республикаси Мусулмонлар Қозияти ҳисобланади.
Эслатиб ўтамиз, 2021 йилнинг декабрь ойида Қорақалпоғистоннинг Чимбой туманида «Юсуф ота» жоме масжиди ўз фаолиятини бошлаганди. Бу орқали Ўзбекистондаги масжидлар сони 2101 тага етганди.
Изоҳ (0)