Бор-йўғи 5 дақиқа кифоя: Микротўлқинли печда тайёрланадиган 4 хил нонушта рецепти

Ушбу тўртта рецепт кунни ажойиб ва соғлом бошлаш учун жуда мос келади. Фақат микротўлқинли печ ва кружка ёрдамида 2 ёки 5 дақиқа ичида мазали нонушта тайёрлаб кўринг.

Оч қоринга қаҳва ичмаслик кераклигини билсангиз керак – мутахассислар бу умр кўриш давомийлигини қисқартиришини исботлаган. Шунинг учун қисқа вақт ичида тайёрланадиган нонушта рецептлари ишлаш, кайфиятни кўтариш ва бир чашка қаҳва ёки аччиқ чой орқали қувватни тўлдириш учун фойдали бўлиши мумкин.

Исмалоқли киш пироги

Керакли маҳсулотлар:

• тухум — 1дона;
• исмалоқ — 1/2 стакан;
• сут — 1/3 стакан;
• чеддар пишлоғи — 1/3 стакан;
• туз ва зираворлар.

Ушбу рецепт оддий, енгил ва хамирсиз. Агар янги исмалоқ ишлатилса, у 2 ош қошиқ сув билан кружкага солинади. Қоғоз сочиқ билан ёпиб, микротўлқинли печ максимал қувватда бир дақиқага қўйилади, кейин чиқариб олинади ва яхшилаб қуритилади. Бир пиёла исмалоқ ичига тухум чақилиб, сут, пишлоқ ва туз ҳамда зираворлар қўшилади. Яхшилаб аралаштирилиб, қоғоз сочиқ билан ёпилади ва микротўлқинли печда 3 дақиқа юқори ҳароратга қўйилади.

Ёнғоқ ва йогуртли аралашма

Керакли маҳсулотлар:

• кансерваланган ловия ёки ясмиқ — 1/3 қисми;
• помидор;
• шўр бодом;
• йогурт — 1 ош қошиқ;
• лаваш хамири, зира, занжабил, аччиқ қалампир соуси, кўкатлар.

Кружкада ясмиқ, помидор, зира, занжабил ва аччиқ қалампир соуси аралаштирилади. Микротўлқинли печда 1,5 дан 2,5 минутгача ёки иссиқ бўлгунча пиширилади. Устига йогурт солиб, бодом ва ялпиз сепилади. Лаваш хамири билан дастурхонга тортилади.

Омлет

Керакли маҳсулотлар:

• тухум — 2 дона;
• фета пишлоғи — 1 ош қошиқ;
• қовурилган қизил булғори қалампири — 1 ош қошиқ;
• кўк пиёз — 1 ош қошиқ;
• исмалоқ.

Кружкага иккита тухум чақилади ва силлиқ бўлгунча аралаштирилади. Қовурилган қизил булғори қалампири, исмалоқ, пишлоқ, кўк пиёз қошилади. Яна аралаштирилади. Кружка микротўлқинли печга қўйилади ва бир ярим дақиқа давомида юқори қувватда пиширилади. Сўнгра олиниб, 1 дақиқа совутиш қўйилади.

Қовоқли запеканка

Керакли маҳсулотлар:

• тухум — 2 дона;
• сули ёрмаси ёки ёнғоқ— 1/3 кружка;
• ёғсиз сут — 1/4 кружка;
• консерваланган қовоқ — 1/4 кружка;
• чиа уруғи — 1 ош қошиқ;
• долчин, туз.

Маҳсулотлар кружкада яхшилаб аралаштирилади. Микротўлқинли печда 50 фоиз қувватда тахминан 4 дақиқа давомида пиширилади, вақти-вақти билан ўртасини текширилади. Пишгач сут билан бирга дастурхонга тортиш мумкин.

Ёқимли иштаҳа!