Озишга тайёрланиб, калория ҳисоб-китобини қилаётганлар учун мазали, тез ва осон тайёр бўладиган ширинлик рецепти.
Керакли маҳсулотлар:
- банан — 2 дона;
- киви — 3-4 дона;
- желатин — 15 грамм;
- совуқ сув — 50 мл;
- кокос қириндиси — 1 ош қошиқ.
- Банан ва кивилар тозаланади. Желатин солиб, силлиқ бўлгунга қадар блендерда аралаштирилади.
- Тайёр пюре алоҳида идишга солинади ва қайнатишга қўйилади. Қайнаб чиққач икки дақиқадан сўнг олов ўчирилади.
- Совутилган аралашма плёнка солинган тўртбурчак қолипларга солинади.
- Музлаткичда бир кечага қолдирилади. Тонгда музлатилган мармеладлар кичик тўртбурчак шаклда кесиб олинади ва устидан кокос қириндиси сепилади.
Изоҳ (0)