Bor-yo‘g‘i 5 daqiqa kifoya: Mikroto‘lqinli pechda tayyorlanadigan 4 xil nonushta retsepti

Ushbu to‘rtta retsept kunni ajoyib va sog‘lom boshlash uchun juda mos keladi. Faqat mikroto‘lqinli pech va krujka yordamida 2 yoki 5 daqiqa ichida mazali nonushta tayyorlab ko‘ring.

Och qoringa qahva ichmaslik kerakligini bilsangiz kerak – mutaxassislar bu umr ko‘rish davomiyligini qisqartirishini isbotlagan. Shuning uchun qisqa vaqt ichida tayyorlanadigan nonushta retseptlari ishlash, kayfiyatni ko‘tarish va bir chashka qahva yoki achchiq choy orqali quvvatni to‘ldirish uchun foydali bo‘lishi mumkin.

Ismaloqli kish pirogi

Kerakli mahsulotlar:

• tuxum — 1dona;
• ismaloq — 1/2 stakan;
• sut — 1/3 stakan;
• cheddar pishlog‘i — 1/3 stakan;
• tuz va ziravorlar.

Ushbu retsept oddiy, yengil va xamirsiz. Agar yangi ismaloq ishlatilsa, u 2 osh qoshiq suv bilan krujkaga solinadi. Qog‘oz sochiq bilan yopib, mikroto‘lqinli pech maksimal quvvatda bir daqiqaga qo‘yiladi, keyin chiqarib olinadi va yaxshilab quritiladi. Bir piyola ismaloq ichiga tuxum chaqilib, sut, pishloq va tuz hamda ziravorlar qo‘shiladi. Yaxshilab aralashtirilib, qog‘oz sochiq bilan yopiladi va mikroto‘lqinli pechda 3 daqiqa yuqori haroratga qo‘yiladi.

Yong‘oq va yogurtli aralashma

Kerakli mahsulotlar:

• kanservalangan loviya yoki yasmiq — 1/3 qismi;
• pomidor;
• sho‘r bodom;
• yogurt — 1 osh qoshiq;
• lavash xamiri, zira, zanjabil, achchiq qalampir sousi, ko‘katlar.

Krujkada yasmiq, pomidor, zira, zanjabil va achchiq qalampir sousi aralashtiriladi. Mikroto‘lqinli pechda 1,5 dan 2,5 minutgacha yoki issiq bo‘lguncha pishiriladi. Ustiga yogurt solib, bodom va yalpiz sepiladi. Lavash xamiri bilan dasturxonga tortiladi.

Omlet

Kerakli mahsulotlar:

• tuxum — 2 dona;
• feta pishlog‘i — 1 osh qoshiq;
• qovurilgan qizil bulg‘ori qalampiri — 1 osh qoshiq;
• ko‘k piyoz — 1 osh qoshiq;
• ismaloq.

Krujkaga ikkita tuxum chaqiladi va silliq bo‘lguncha aralashtiriladi. Qovurilgan qizil bulg‘ori qalampiri, ismaloq, pishloq, ko‘k piyoz qoshiladi. Yana aralashtiriladi. Krujka mikroto‘lqinli pechga qo‘yiladi va bir yarim daqiqa davomida yuqori quvvatda pishiriladi. So‘ngra olinib, 1 daqiqa sovutish qo‘yiladi.

Qovoqli zapekanka

Kerakli mahsulotlar:

• tuxum — 2 dona;
• suli yormasi yoki yong‘oq— 1/3 krujka;
• yog‘siz sut — 1/4 krujka;
• konservalangan qovoq — 1/4 krujka;
• chia urug‘i — 1 osh qoshiq;
• dolchin, tuz.

Mahsulotlar krujkada yaxshilab aralashtiriladi. Mikroto‘lqinli pechda 50 foiz quvvatda taxminan 4 daqiqa davomida pishiriladi, vaqti-vaqti bilan o‘rtasini tekshiriladi. Pishgach sut bilan birga dasturxonga tortish mumkin.

Yoqimli ishtaha!