Севимли ширинлик — мурабболи рогалик рецепти

Ушбу рецепт бўйича тайёрланган рогаликлар сотиб олингандагига қараганда анча мазали.

Керакли маҳсулотлар:

• ун — 250 грамм;
• шакар — 70 грамм;
• қабартма — 1 чой қошиқ;
• сариёғ — 100 грамм;
• сметана — 100 грамм;
• тухум сариғи — 2 дона;
• ваниль — 1 чой қошиқ;
• мураббо — 150 грамм;
• шакар упаси, туз.

1. Ун элакдан ўтказилади, шакар, туз ва қабартма қўшилади.
2. Сариёғ қирғичдан ўтказилиб, унли аралашма билан уваланади.
3. Тухум сариғи, ваниль ва сметана кўпиртирилади.
4. Икки аралашма бир-бирига қўшилиб, силлиқ хамир қорилади.
5. Тиндириш учун 30-40 дақиқага қолдирилади.
6. Хамир 3-4 миллиметр қалинликда доира шаклида ёйилади. Пичоқ ёрдамида аввал чоракка, кейин ҳар бир бўлак 5-6 учбурчакка бўлинади.
7. Учбурчак хамирнинг бир четига бир чой қошиқ мураббо солинади ва хамирнинг катта томонидан учига қараб рулет шаклида айлантирилади.
8. Печ 180 даражада қиздирилади.
9. Рогаликлар пишириқ варағига қўйилади ва 25-30 дақиқага давомида пиширилади.
10. Дастурхонга тортишдан аввал ширинлик устига шакар упаси сепилади.