Хоразм вилоятида ер майдони ва кредит ажратишни ваъда қилган шахслар ушланди, деб хабар беради Бош прокуратура ҳузуридаги департамент.
Маълум қилинишича, департаментнинг Боғот туман бўлими томонидан ДХХнинг Хоразм вилояти бошқармаси ходимлари билан ҳамкорликда тезкор тадбир ўтказилган. Тадбир давомида Р.Б. ва З.А. исмли шахслар фуқаро О.нинг ишончига кириб, З.А. раҳбарлигидаги «З.-Ж.» МЧЖга ажратилган 1,5 гектар ер майдонини унинг номига ўтказиб беришни ваъда қилгани аниқланган. Шунингдек, улар банкдаги танишлари орқали иссиқхона қуриш учун 2 миллион доллари миқдорида кредит олишда амалий ёрдам беришларини айтган. Бунинг эвазига улар фуқародан 90 минг доллари талаб қилиб, шундан 80 долларини олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Аввалроқ Бухоро ва Тўрткўлда ер сотмоқчи бўлган кадастр собиқ мутахассиси ҳамда фуқаро ушлангани, Ўзбекистоннинг учта ҳудудида ноқонуний ер олиб бериш учун жами 10 минг доллар ва 120 млн сўм олган шахслар қўлга олингани тўғрисида хабар берилганди.
Мавзуга доир:
- Самарқандда ижара олинган ерни 9 кишига салкам 50 минг долларга сотган шахс аниқланди
- Наманганда ўзгага тегишли боғдан 4 сотих ерни ажратиб бериш учун танишидан 6 минг доллар олган шахс ушланди
- Тошкент вилоятида президентнинг махсус фармони билан ажратилган ерни 800 минг долларга сотишга уринган шахслар аниқланди
Изоҳ (0)