Украинада уруш бошланганига 32 кун тўлди. БМТ маълумотларига кўра, шу вақт ичида мамлакатни 3,8 миллиондан ортиқ киши тарк этган. Бир неча ҳафтадан бери қамалда қолаётган 540 минг кишилик Мариупол шаҳри аҳолисининг деярли ярми уйларини ташлаб кетишга мажбур бўлди. Владимир Зеленский украиналикларга ҳарбий ҳаракатларни акс эттирувчи фотосуратлар ва видеоларни чоп этишни тақиқлади. Украина Бош прокуратураси уруш бошланганидан бери 143 нафар бола ҳалок бўлгани, 200 дан ортиғи жароҳатланганини маълум қилди. Бутун мамлакат бўйлаб ҳаво тревогаси эълон қилинди. Чернобилнинг эгалланган зонасида эса ўн минглаб гектар ўрмонлар ёнмоқда. Владимир Зеленский россиялик журналистларга биринчи марта интервью берди. Meduza 27 март, урушнинг ўттиз иккинчи кунидан асосий фотосуратларни жамлади.
Украинанинг Россия армияси назоратига ўтган Запорожье вилояти Пологи шаҳридаги меҳрибонлик уйидан эвакуация қилинган бола. Пологидаги меҳрибонлик уйидан 30 га яқин етим болалар тарбиячилари билан бирга эвакуация қилинган.Фото: EPA
Запорожьеда эвакуация пунктидаги доска. Унда Украинада бедарак йўқолган фуқароларнинг суратлари ва кўнгиллиларга ёрдам сўраб қилинган мурожаатлар илинган.Фото: EPA
Дробицкий Яр ёдгорлик мажмуаси ҳудуди Россия қўшинлари томонидан ўққа тутилгандан кейин. Суратда Иккинчи жаҳон уруши пайтида яҳудийлар геноциди содир бўлган жойга ўрнатилган Менор ёдгорлиги.Фото: AFP
Изоҳ (0)