Fitch Ratings халқаро рейтинг агентлиги Европа Иттифоқи томонидан киритилган санкциялар туфайли 25 мартдан бошлаб Россиянинг суверен рейтинги ҳақидаги маълумотларни эълон қилмайди. Бу ҳақда агентлик матбуот хизмати хабар берди.
Суверен кредит рейтинги — бу бутун мамлакатнинг кредит рискини баҳолаш бўлиб, у келажакда дефолт эҳтимоли қанчалик юқори эканлигини кўрсатади.
Рейтингнинг олиб ташланиши санкциялар билан боғлиқ сабабларга кўра содир бўлмоқда, — дейилади нашр хабарида.Мамлакатлар ўзларининг ташқи қарзларига хизмат кўрсатиш эҳтимоли иқтисодиётининг барқарорлигига қараб тартибланган.
Суверен рейтинглар ҳам банклар ва компаниялар рейтингларини ҳисоблашда ҳал қилувчи омил ҳисобланади: ҳеч бир компания ўзи жойлашган давлатдан юқори баҳоланмайди.
Аввалроқ 23 март куни Европа Иттифоқи санкциялари туфайли Fitch ҳам Россиянинг барча компаниялари рейтингини олиб қўйишини эълон қилган эди.
Fitch Ratings Россиядан чиқиб кетиш вақтида мамлакатнинг хорижий ва маҳаллий валютадаги узоқ муддатли ва қисқа муддатли эмитент дефолт рейтинглари, шунингдек, юқори таъминланмаган қарзлар рейтинги C даражасида эди, мамлакат рейтингининг юқори чегараси B эди.
Россия президенти Владимир Путиннинг мамлакат ташқи қарзига рублда хизмат кўрсатишга рухсат берувчи фармони туфайли рейтинглар ушбу қийматларга туширилди.
Рейтингнинг пасайиши Марказий банкнинг Россиядан норезидентларга пул ўтказмаларини чеклаш тўғрисидаги қарори билан ҳам боғлиқ, дея таъкидлади агентлик.
Россия ва «катта учлик» агентликлари
15 март куни Европа Иттифоқи Россияга қарши тўртинчи санкциялар пакетини маъқуллади.
Унинг доирасида Брюссель 15 апрелдан бошлаб ҳар қандай рус мижозлари учун Европа кредит рейтинг агентликларидан хизматлар кўрсатишни тақиқлашни жорий қилди.
Бу, биринчи навбатда, German Scope Ratings каби рейтинг агентликларига таъсир қилади. Fitch, глобал «катта учлик» агентликларининг бошқа аъзолари — Moody’s ва S&P каби АҚШда жойлашган.
Евроиттифоқ санкциялари туфайли Россия компаниялари ва ташкилотларининг рейтингларини қайтариб олиш нияти ҳақида аввалроқ S&P халқаро агентлиги ҳам маълум қилган эди.
Март ойи бошида Fitch агентлиги ортидан S&P ҳам Россиядаги фаолиятини тўхтатди. Россиядаги операцияларни тўхтатиш қарорини Moody’s агентлиги ҳам қабул қилган.
Изоҳ (0)