Россия Украинада махсус ҳарбий операцияларни бошлаганидан бери 2022 йил 21 март ҳолатига кўра 925 нафар тинч аҳоли вакили ҳалок бўлди, яна 1496 нафар одам турли жароҳатлар олди. Бу ҳақда БМТнинг инсон ҳуқуқлари бўйича олий комиссари бошқармаси маълумот берган.
925 нафар қурбоннинг 183 нафари эркаклар, 137 нафари аёллар, 11 нафари қизлар ва 25 нафари ўспирин йигитлар. Шунингдек, 39 нафар бола ва 530 нафар жинси ҳали аниқлаштирилмаган катталар.
1496 нафар яраланганларнинг 163 нафари эркак, 124 нафари аёл, 22 нафари қиз ва 17 нафари йигит, 60 нафари бола ва 1110 нафар ярадорнинг жинси ва ёши ҳали аниқлаштирилмаган.
Донецк ва Луганск халқ республикалари ҳудудида 55 нафар одам ҳалок бўлган ва 190 нафар тинч аҳоли вакили яраланган. Мазкур вилоятларнинг Киев назорати остидаги ҳудудларида эса 201 киши ҳалок бўлган, 571 нафар одам турли жароҳатлар олган.
Украинанинг қолган ҳудудларида, жумладан, Киев шаҳри, Черкасс, Черниговск, Харьков, Херсон, Киев вилояти, Николаевск, Одесса, Сумск, Запорожье, Днепропетровск ва Житомир вилоятларида жаим 669 нафар одам ҳалок бўлган ва 735 киши яраланган.
Хабарда қайд этилишича талафот етганларнинг аксарияти катта майдонга мўлжалланган портлаш механизмларининг ишлаши, оғир артиллерия зарбалари, бирваракайига кетма-кет ўт очувчи реактив тизим, ракета ва авиация зарбалари оқибатида жабрланган ёки ҳалок бўлган.
Аввал БМТ расмийлари 18 март ҳолатига Украинадаги урушда 816 нафар тинч аҳоли вакили ҳалок бўлгани, шунингдек Украина бош прокуратураси нотинч вазият туфайли мамлакатда 115 нафар болалар ўлгани ҳақида хабарлар берилганди.
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
Изоҳ (0)