Rossiya Ukrainada maxsus harbiy operatsiyalarni boshlaganidan beri 2022-yil 21-mart holatiga ko‘ra 925 nafar tinch aholi vakili halok bo‘ldi, yana 1496 nafar odam turli jarohatlar oldi. Bu haqda BMTning inson huquqlari bo‘yicha oliy komissari boshqarmasi ma’lumot bergan.
925 nafar qurbonning 183 nafari erkaklar, 137 nafari ayollar, 11 nafari qizlar va 25 nafari o‘spirin yigitlar. Shuningdek, 39 nafar bola va 530 nafar jinsi hali aniqlashtirilmagan kattalar.
1496 nafar yaralanganlarning 163 nafari erkak, 124 nafari ayol, 22 nafari qiz va 17 nafari yigit, 60 nafari bola va 1110 nafar yaradorning jinsi va yoshi hali aniqlashtirilmagan.
Donetsk va Lugansk xalq respublikalari hududida 55 nafar odam halok bo‘lgan va 190 nafar tinch aholi vakili yaralangan. Mazkur viloyatlarning Kiyev nazorati ostidagi hududlarida esa 201 kishi halok bo‘lgan, 571 nafar odam turli jarohatlar olgan.
Ukrainaning qolgan hududlarida, jumladan, Kiyev shahri, Cherkass, Chernigovsk, Xarkov, Xerson, Kiyev viloyati, Nikolayevsk, Odessa, Sumsk, Zaparojye, Dnepropetrovsk va Jitomir viloyatlarida jaim 669 nafar odam halok bo‘lgan va 735 kishi yaralangan.
Xabarda qayd etilishicha talafot yetganlarning aksariyati katta maydonga mo‘ljallangan portlash mexanizmlarining ishlashi, og‘ir artilleriya zarbalari, birvarakayiga ketma-ket o‘t ochuvchi reaktiv tizim, raketa va aviatsiya zarbalari oqibatida jabrlangan yoki halok bo‘lgan.
Avval BMT rasmiylari 18-mart holatiga Ukrainadagi urushda 816 nafar tinch aholi vakili halok bo‘lgani, shuningdek Ukraina bosh prokuraturasi notinch vaziyat tufayli mamlakatda 115 nafar bolalar o‘lgani haqida xabarlar berilgandi.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Izoh (0)