Навоий вилоятида тадбиркорнинг 140 минг долларини қўлга киритмоқчи бўлган фирибгарлар ушланди, деб хабар бермоқда Иқтисодий жиноятларга қарши курашиш департаменти.
Қайд этилишича, Бош прокуратура ҳузуридаги департамент ҳамда Давлат хавфсизлик хизматининг Навоий вилояти бошқармалари томонидан тезкор тадбир ўтказилган. Унда Д.Н. ва С.Й. исмли фуқаролар «Н.Ф» МЧЖ раҳбари Н.нинг ишончига кириб, «Н.У.С» МЧЖга кўп қаватли турар жой қуриш учун ажратилган 2 гектар ер майдонини унинг тадбиркорлик субъекти номига расмийлаштириб беришни айтгани аниқланган. Улар эвазига 140 минг доллар талаб қилиб, шундан 10 минг долларини олган вақтида ушланган. Уларнинг кўрсатувига асосан давом этган тадбирда шериги О.Р. ҳам пулларни олаётганда ашёвий далиллар билан ушланган.
Ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилган. Ҳозирда тергов ҳаракатлари ўтказилмоқда.
Мавзуга доир:
- Тошкент вилоятида президентнинг махсус фармони билан ажратилган ерни 800 минг долларга сотишга уринган шахслар аниқланди
- Самарқандда ярим гектар ерни 60 минг долларга сотмоқчи бўлган тадбиркор ушланди
- Қорақалпоғистонда фуқарога балиқ етиштиришга мўлжалланган кўл ва 200 гектар ерни расмийлаштириб бермоқчи бўлган шахс ушланди
Изоҳ (0)