Navoiy viloyatida tadbirkorning 140 ming dollarini qo‘lga kiritmoqchi bo‘lgan firibgarlar ushlandi, deb xabar bermoqda Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departament hamda Davlat xavfsizlik xizmatining Navoiy viloyati boshqarmalari tomonidan tezkor tadbir o‘tkazilgan. Unda D.N. va S.Y. ismli fuqarolar “N.F” MChJ rahbari N.ning ishonchiga kirib, “N.U.S” MChJga ko‘p qavatli turar joy qurish uchun ajratilgan 2 gektar yer maydonini uning tadbirkorlik subyekti nomiga rasmiylashtirib berishni aytgani aniqlangan. Ular evaziga 140 ming dollar talab qilib, shundan 10 ming dollarini olgan vaqtida ushlangan. Ularning ko‘rsatuviga asosan davom etgan tadbirda sherigi O.R. ham pullarni olayotganda ashyoviy dalillar bilan ushlangan.
Holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Toshkent viloyatida prezidentning maxsus farmoni bilan ajratilgan yerni 800 ming dollarga sotishga uringan shaxslar aniqlandi
- Samarqandda yarim gektar yerni 60 ming dollarga sotmoqchi bo‘lgan tadbirkor ushlandi
- Qoraqalpog‘istonda fuqaroga baliq yetishtirishga mo‘ljallangan ko‘l va 200 gektar yerni rasmiylashtirib bermoqchi bo‘lgan shaxs ushlandi
Izoh (0)