Таркибида апельсиндан кўра кўпроқ C витамини бўлган 7 та маҳсулот

Соғлом бўлиш учун, ҳозирги тиббий маълумотларга кўра, катта ёшли эркаклар C витаминини кунига камида 90 мг миқдорда олиши керак. Аёлларда эса бу кўрсаткич 75 мг ни ташкил қилади. Шунингдек, ҳомиладор ва кичик ёшдаги фарзанди бор оналарда кунлик миқдор 35-45 мг га оширилади.

Инсон танаси аскорбин кислотасини синтез қила олмайди ва сақлай олмайди. Шунинг учун уни ташқаридан қабул қилиш жуда муҳимдир. Масалан, озиқ-овқатлар билан. Шифокорлар одатда витаминларни олишнинг бу усулини энг соғлом ва самарали деб ҳисоблашади.

Наматак

Наматакнинг тахминан 6 та янги ўрта ўлчамдаги меваси 119 мг C витаминини ўз ичига олади. Бу талаб қилинадиган кунлик меъёрдан камида 30 фоиз кўпроқ. Тўғри, бундай миқдорда фойдали моддаларни олиш учун наматакни хом ҳолда истеъмол қилиш керак. Агар резаворлар устига қайноқ сув қуйилса, улар таркибидаги аскорбин кислотаси 30 фоизгача йўқолиши мумкин.

Чили қалампири

Аччиқ ва фойдали маҳсулотларни ёқтирадиганлар яшил чили қалампирини танлаши мумкин. Оғирлиги тахминан 45 грамм бўлган битта ўрта катталикдаги  қалампирда 109 мг витамин C мавжуд.

Қалампирда C витаминидан ташқари яна бир қанча фойдали моддалар бор. Чилига ўзига хос аччиқ таъм берадиган капсаицин моддаси турли хил келиб чиқадиган оғриқларни камайтиришга ёрдам беради ва яллиғланишга қарши курашади. Қалампир истеъмол қилиш эса метаболизмни яхшилайди ва ёғ эришини тезлаштиради.

Сариқ булғори

100 грамм сариқ булғорини истеъмол қилиш кифоя ва бу бир кунлик меъёрнинг икки бараварига тўғри келади. Ёрқин қизил булғорида аскорбин кислотаси бироз камроқ, яъни 100 грамм маҳсулот учун 128 мг. Бироқ, бу ҳам организмни аскорбин кислотаси билан тўлиқ таъминлаш учун етарли.

Тимян

Миқдор бўйича тимян апельсинга қараганда 3 баравар кўпроқ C витаминини ўз ичига олади. Албатта, тимянни кўп миқдорда истеъмол қилиш қийин. Аммо салатга 1-2 ош қошиқ сепиш ҳам 7 мг гача аскорбин кислота беради.

Петрушка

Бу кўкатнинг 100 граммида 130 мгдан ортиқ C витамини мавжуд. Кундалик аскорбин кислота истеъмолининг камида 10 фоизи учун салат ёки шўрва устига петрушка сепиш тавсия этилади. Бундан ташқари, бошқа баргли кўкатлар каби темирнинг ажойиб манбаи ҳисобланади.

Гуава

Пушти рангли экзотик мева апельсин ва бошқа ҳар қандай цитрус меваларига қараганда 4-5 баравар кўпроқ C витаминини ўз ичига олади. Меванинг 100 граммида 228 мг C витамин мавжуд.