35 ёшдан ошган ҳар тўртинчи аёл юрак касалликларидан вафот этади. ЖССТ мутахассисларининг фикрига кўра, менопаузанинг дастлабки 10 йилида аёллар энг юқори хавф остида бўлади. Йилдан йилга юрак-қон томир тизими касалликлари яшариб бормоқда. Шифокорлар эркакларда юрак хуружи белгиларини аёлларникига қараганда яхшироқ билишади. Аёлларда юрак муаммоларининг намоён бўлиши сезиларли даражада фарқ қилади.
Шиш
Агар оёқларда ва айниқса, тўпиқларда шиш пайдо бўлганини сезсангиз, иложи борича тезроқ шифокорга мурожаат қилинг: бу юрак клапанининг нотўғри ишлашидан дарак бўлиши мумкин. Суюқлик тўпланиб қолиши, юрак қонни ҳайдай олмаслиги юрак етишмовчилигига олиб келади.
Бош оғриғи
Бош оғриғи, айниқса, бош айланиши билан биргаликда юрак муаммоларини кўрсатиши мумкин. Агар бош оғриғи заифлик билан кечадиган бўлса, масалан, тез-тез шамоллаш билан кузатилса, шошилинч равишда кардиологга мурожаат қилиш лозим: бу юракка нимадир бўлганини, қоннинг керакли даражада кислород билан тўйинмаганини билдиради.
Ошқозон оғриғи
Аёлларда юрак хуружини кеч ташхислашнинг энг кенг тарқалган сабабларидан бири оғриқ айнан юракда эмас, унинг атрофида юзага келганига ишонишдир. Гастритга ўхшаш ошқозон оғриғи ҳам юрак касалликларининг энг кенг тарқалган аломатларидан бири. Агар тез-тез жиғилдон қайнаши ёки қорин оғриғи кузатилса, юрагингизни текширтиринг.
Ҳушдан кетиш
Ҳушдан кетиш қон босимининг пасайиши, юрак муаммоларининг аломати ҳам бўлиши мумкин. Агар ҳушдан кетиш ора-сира кузатилаётган бўлса, ҳавотирланишга ҳожат йўқ. Аммо мунтазам ҳушни йўқотиш ҳолатларида, албатта, шифокорга мурожаат қилинг.
Бош айланиши
Агар мунтазам равишда бош айланадиган бўлиб қолса, бу артерияга қон тиқилиб қолиши ёки юрак клапанлари ишламай қолиши билан боғлиқ.
Сиқилиш ҳисси
Юрак хуружининг намоён бўлиши юрак соҳасида намоён бўлмайдиган яна бир ҳолат: юрак хуружини бошдан кечирган кўплаб беморлар бундан анча олдин белнинг юқори қисмида босим сезганликларини таъкидлайди. Ёдда тутинг: агар танангизнинг юқори қисмида бирор-бир нарса сиқилаётганини сезсангиз, албатта, шифокорга мурожаат қилинг!
Мавзуга доир:
Изоҳ (0)