АҚШ президенти Жо Байден Россия давлат раҳбари Владимир Путинни Украинага уруш очгани учун «ҳарбий жиноятчи» деб ҳисоблашини маълум қилди.
«У ҳарбий жиноятчи», — деган Байден Оқ уйда ўтган тадбирдан сўнг журналистлар билан мулоқотда.
Байден Оқ уйдаги чиқишида Украинага кўпроқ қурол-яроқ етказиб беришни ваъда қилди ва шу ҳафтанинг ўзида 1 миллиард долларлик жўнатма етказилишини таъкидлади.
Украинадаги вазиятнинг ривожланиши ҳақида фикр билдирар экан, урушнинг узоқ давом этиши ва машаққатли бўлишидан огоҳлантирди.
Аввалроқ Оқ уй матбуот котиби Жен Псаки ҳарбий жиноятлар содир бўлган ёки бўлмаганини аниқлаш борасида АҚШнинг Халқаро жиноий суд билан ҳамкорлиги давом этаётгани ҳақида гапирганди, дейилади Bloomberg хабарида.
Россия президентининг матбуот котиби Дмитрий Песков АҚШ давлат раҳбари Жо Байденнинг «Путинни ҳарбий жиноятчи» деб атаган баёноти «ўринсиз ва кечириб бўлмайдиган нутқдан» бошқа нарса эмаслигини айтган.
«Бомбаларидан бутун дунёда юз минглаб одамлар ҳалок бўлган давлат раҳбарининг бундай оҳангда айтган гаплари ўринсиз ва кечириб бўлмайдиган нутқ» деб ҳисоблаймиз», — дея Дмитрий Песков сўзларидан иқтибос келтирган «ТАСС».
Мавзуга доир:
- Лавров Украина атрофидаги вазият нима сабабдан тинч йўл билан ҳал қилинмаганини тушунтирди
- Путин Донецкка уюштирилган ракета ҳужумини «варварларча қилинган ҳаракат» деб атади
- «Бу олдини олиш керак бўлган Учинчи жаҳон урушидир». Байден АҚШ НАТО мамлакатлари ҳудудини Россиядан ҳимоя қилишга тайёрлигини маълум қилди
- «Гуманитар фалокат жумласи Россия Федерацияси билан синоним бўлиб қолди» – Зеленский
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
Изоҳ (0)