«Иқтисодий шарҳ» журнали Ўзбекистондаги банкларда хорижий валютада жисмоний шахсларга йиллик фоиздаги омонатлар рейтингини эълон қилди.
Мазкур маълумотларни тузишда йиллик фоиз ставкаси, омонат муддати, омонат минимал миқдори, шу билан бирга тўлдириш ва ечиш каби омиллар инобатга олинган.
Ҳозирги вақтда 32 та банклардан фақат 28 таси хорижий валютадаги омонатларни таклиф қилмоқда.
Хорижий валютадаги омонатлар мавжуд бўлмаган банклар:
- «Savdogarbank»;
- «Ўзагроэкспортбанк»;
- TBC Bank;
- Tenge Bank.
Иккинчи ўринни «Қишлоққурилишбанк» (фоиз ставкаси — 5 фоиз, омонатнинг минимал миқдори 100 доллар, омонат муддати эса 36 ой) эгаллаган бўлса, «Миллий банк» ( йиллик фоиз ставка — 5 фоиз, омонат муддати — 18 ой, омонатнинг минимал қиймати эса 50 доллар) учинчи ўринда турибди.
28 та банкдан 11 таси йиллик 5 фоизлик ставкада омонатлар қабул қилмоқда.
Банклар томонидан хорижий валютада жисмоний шахсларга омонатлар бўйича энг баланд ставкани «Universal Bank» (5,5 фоиз), тақдим этаётган бўлса, энг паст ставка «Асака банк» (2,8 фоиз) томонидан таклиф этилмоқда.
Банкларда омонатларни қисман ечилиши йиллик фоиз ставкаларини ўзгаришига олиб келади.
Бундан ташқари, «Туркистон Банк», «Давр Банк», «Эрон Содерат Банк» ва «O‘zKDB Bank» томонидан омонатлар мижозлар билан келишилган ҳолда қабул қилинади.
Аввалроқ 2022 йил февраль ойи учун Ўзбекистондаги энг манфаатли автокредитлар эълон қилинган эди.
Изоҳ (0)