“Iqtisodiy sharh” jurnali O‘zbekistondagi banklarda xorijiy valyutada jismoniy shaxslarga yillik foizdagi omonatlar reytingini e’lon qildi.
Mazkur ma’lumotlarni tuzishda yillik foiz stavkasi, omonat muddati, omonat minimal miqdori, shu bilan birga to‘ldirish va yechish kabi omillar inobatga olingan.
Hozirgi vaqtda 32 ta banklardan faqat 28 tasi xorijiy valyutadagi omonatlarni taklif qilmoqda.
Xorijiy valyutadagi omonatlar mavjud bo‘lmagan banklar:
- “Savdogarbank”;
- “O‘zagroeksportbank”;
- TBC Bank;
- Tenge Bank.
Ikkinchi o‘rinni “Qishloqqurilishbank” (foiz stavkasi — 5 foiz, omonatning minimal miqdori 100 dollar, omonat muddati esa 36 oy) egallagan bo‘lsa, “Milliy bank” ( yillik foiz stavka — 5 foiz, omonat muddati — 18 oy, omonatning minimal qiymati esa 50 dollar) uchinchi o‘rinda turibdi.
28 ta bankdan 11 tasi yillik 5 foizlik stavkada omonatlar qabul qilmoqda.
Banklar tomonidan xorijiy valyutada jismoniy shaxslarga omonatlar bo‘yicha eng baland stavkani “Universal Bank” (5,5 foiz), taqdim etayotgan bo‘lsa, eng past stavka “Asaka bank” (2,8 foiz) tomonidan taklif etilmoqda.
Banklarda omonatlarni qisman yechilishi yillik foiz stavkalarini o‘zgarishiga olib keladi.
Bundan tashqari, “Turkiston Bank”, “Davr Bank”, “Eron Soderat Bank” va “O‘zKDB Bank” tomonidan omonatlar mijozlar bilan kelishilgan holda qabul qilinadi.
Avvalroq 2022-yil fevral oyi uchun O‘zbekistondagi eng manfaatli avtokreditlar e’lon qilingan edi.
Izoh (0)