Қўқон шаҳрида Жанубий Корея компанияси томонидан Hanshin Park City шаҳарчаси бунёд этилади. Шаҳарчадан 127 та кўп қаватли уй, таунхауслар, парк, мактаб, болалар боғчаси ва бошқа зарур ижтимоий объектлар ўрин олади, деб хабар бермоқда «Дарё» мухбири Азизжон Эрматов.
Фарғона вилояти ҳокими Хайрулло Бозоров бошчилигидаги делегация Жанубий Кореяда бўлиб, Hanshin Engineering & Construction компанияси раҳбари Чой Мун Кю билан учрашув ўтказган.
Музокаралар натижасида вилоят ҳокимлиги ҳамда Hanshin Engineering & Construction компанияси ўртасида Қўқон шаҳрида Hanshin Park City шаҳарчасини барпо этиш бўйича қиймати 250 миллион долларлик инвестицион келишув имзоланган.
Келишувга кўра, Корея компанияси Қўқон шаҳрида 9, 12 ва 16 қаватли 5 минг 122 хонадондан иборат ижтимоий объектлардан иборат Hanshin Park City шаҳарчасини барпо этади.
Кўп қаватли уйларнинг ертўла қисмида беш мингдан зиёд автомобиль учун ерости автотураргоҳи ўрин олади. Уч йиллик режа асосида амалга ошириладиган лойиҳанинг илк босқичида 206 та хонадондан иборат олтита тўққиз қаватли турар жой биноси қад ростлайди.
Изоҳ (0)