Россия Ўзбекистон ва бошқа бир қатор давлатлар билан коронавирус сабабли ҳаво қатновига қўйилган чекловларни бекор қилди, деб хабар беради «Росавиация».
Гап Озарбайжон, Арманистон, Қозоғистон, Қирғизистон, Тожикистон, Туркманистон, Ўзбекистон ва Эрон билан парвозлар ҳақида кетмоқда. Чекловлар 9 мартдан бошлаб бекор қилинган бўлиб, ушбу санадан мунтазам бўлмаган ва мунтазам рейслар қатновига рухсат берилган.
Эслатиб ўтамиз, Uzbekistan Airways эса Россия ҳаво ҳудудининг бир қисми ёпилиши билан боғлиқ чеклов сабаб бир қатор шаҳарларга парвозлар жадвали ва йўналишини ўзгартирди. Унга кўра, 3 мартдан 26 мартгача Ўзбекистон—Сочи—Ўзбекистон йўналишида қўшимча қатновлар жорий этилиб, Краснодар ва Ростов-Дон шаҳарларига режалаштирилган парвозлар Сочи шаҳрига амалга оширилади.
Шунингдек, Россиянинг iFly авиакомпанияси 5 март санасидан бошлаб Ўзбекистонга бажарилиши кутилаётган ҳамда барча режалаштирилган йўналишларда ўз парвозларини номаълум муддатга тўхтатганди. Шунингдек, Smartavia авиакомпанияси ҳам 7 март кунига режалаштирилган Москва—Урганч—Москва йўналишидаги парвозни бекор қилганди.
Изоҳ (0)