Тошкент шаҳрида жойлашган бозордалардан бирининг директор ўринбосари савдо жойини ажратиш учун пул олган вақтида ушланди, деб хабар беради ИИВ ЖҚББ Коррупция ва иқтисодий жиноятларга қарши курашиш бошқармаси.

7 март куни Тошкент шаҳар ИИББга фуқаро ариза билан мурожаат қилиб, унда «Эски жўва деҳқон бозори» АЖ директори ўринбосари бозор ҳудудидан савдо жойини ажратиб бериши учун 300 доллар беришини талаб қилаётганини маълум қилиб, унга нисбатан қонуний чора кўришни сўраган.

Мазкур аризага асосан, шу куни Тошкент шаҳар ИИББ ЖКБ Коррупция ва иқтисодий жиноятларга қарши курашиш бўлими томонидан томонидан тезкор тадбир ўтказилган. Тадбир давомида «Эски жўва деҳқон бозори» директорининг хавфсизлик бўйича ўринбосари шу бозорда қуруқ мева павильони сотувчиси орқали ариза муаллифидан 300 долларни олган вақтида ашёвий далиллар билан ушланган.

Ҳолат юзасидан 2022 йил 8 март куни Тошкент шаҳар ИИББ Тергов бошқармаси томонидан Жиноят кодексининг 168-моддаси (фирибгарлик) 3-қисми билан жиноят иши қўзғатилиб, тергов ҳаракатлари олиб борилмоқда.

Аввалроқ Самарқандда бозорқўмдан 1600 доллар ундирган товламачилар қўлга олингани тўғрисида хабар берилганди.