«Ўзгидромет» республика бўйича вақти-вақти билан ёмғир ёғиши билан кузатиладиган беқарор об-ҳаво кейинги ҳафтанинг биринчи ярмигача сақланиб туришини маълум қилди.
Қайд этилишича, дам олиш кунлари республика ҳудудининг катта қисмида ёмғир ёғади, баъзи жойларда кучли бўлади, момақалдироқ бўлиши мумкин. Фақат Қорақалпоғистонда ва Хоразм вилояти айрим ҳудудларида ёғингарчилик камроқ бўлади.
Республиканинг тоғли ҳудудларида ёғингарчилик ёмғир ва қор кўринишида, баъзи жойларда кучли бўлади. Республика бўйича баъзи жойларда шамол 17-22 метр/секундгача кучаяди, момақалдироқ пайтида шамол тезлиги 25-28 метр/секундга етиши мумкин.
Ҳаво ҳарорати 17-20 даража илиқдан 13-16 даража илиққача аста-секин кўтарилади.
Тоғолди ва тоғли ҳудудларда сел келиши, тоғларда қор кўчиши хавфи бор.
Республика ҳудуди бўйича беқарор об-ҳаво сақланиб туриши атмосферада жуда фаол жанубий фронтал зоналарни мавжудлиги ҳисобига, республика ҳудудига доимий равишда нам булутли массивлар кириб келишини ҳосил қилади.
Марказ маълумотига кўра, 2021 йилнинг мартида ҳам Ўзбекистонда тез-тез ёмғир ёғиши билан об-ҳавонинг ҳудди шундай ҳолати кузатилган. Тошкентда ёмғирли кунлар сони 21 кунни ташкил этган.
Изоҳ (0)