Uzbekistan Airways Rossiyaning Rostov-Don va Krasnodar shaharlariga parvozlarni Sochiga o‘zgartirdi

Uzbekistan Airways Rossiya havo hududining bir qismi yopilishi bilan bog‘liq cheklov sabab bir qator shaharlarga parvozlar jadvali va yo‘nalishini o‘zgartirdi. Bu haqda aviakompaniya matbuot xizmati xabar qildi

Qayd etilishicha, 3-martdan 26-martgacha O‘zbekiston—Sochi—O‘zbekiston yo‘nalishida qo‘shimcha qatnovlar joriy etiladi. Qo‘shimcha reyslar kiritilganidan kelib chiqib, quyidagi yo‘nalishlar bo‘yicha qatnovi to‘xtatilgan:

• HY3687/3688 va HY9687/9688 Toshkent—Krasnodar—Toshkent yo‘nalishi bo‘yicha;
• HY9647/9648 Toshkent—Rostov-Don—Toshkent yo‘nalishi bo‘yicha;
• HY9825/9826 Namangan—Krasnodar—Namangan yo‘nalishi bo‘yicha parvozlar Sochi shahriga amalga oshiriladi.

Yo‘lovchilar aeroportlarga belgilangan vaqtdan oldinroq kelishi kerak bo‘ladi. Shuningdek, yo‘lovchilar Krasnodar va Rostov-Don shaharlariga va shu shaharlaridan avval bekor bo‘lgan parvozlar yo‘lovchilari aviachiptalarining to‘liq qiymatini chipta sotib olingan joyda qaytarib olishi mumkin yoki 3-martdan boshlab har qanday bo‘sh sanaga bepul qayta bronlash huquqiga ega.