Bugun,

  • USD 11095.31
  • RUB 173.84
  • EUR 10772.44

O‘zbekiston bosh vaziri o‘rinbosari — turizm va madaniy meros vaziri Aziz Abduhakimov hamda Rossiya bosh vaziri o‘rinbosari Dmitriy Chernishenko ikki mamlakat o‘rtasida turistik oqimni oshirish chora-tadbirlari to‘g‘risidagi rejani imzoladi. Bu haqda Rossiyaning O‘zbekistondagi elchixonasi ma’lum qildi.

Foto: “Daryo” / Madina Nurman

Foto: “Daryo” / Madina Nurman

Rejaga muvofiq Rossiya va O‘zbekistonda turizm yilini o‘tkazish, “Buyuk ipak yo‘li” transchegaraviy turistik marshrutini ishga tushirish, qishki, gastronomik, ekstremal va boshqa turdagi sayohatlar uchun turpaketlarni ishlab chiqish ko‘zda tutilgan. Shuningdek, ikki mamlakat talabalari uchun ham sayohatlar tashkil etiladi.

“O‘zbekistonda turizm, avvalambor, o‘ziga xos arxitektura va tarixga ega shaharlar — Buxoro, Samarqand, Xiva, mehmondo‘st xalqi, tengi yo‘q oshxonasi… Rossiya ham qarzdor bo‘lib qolmaydi, bizda ham O‘zbekiston aholisi uchun taklif etadigan narsalar bor. Bular Uzoq Sharq hududlari — Kamchatka, Saxalin, Altay, Rossiyaning markaziy qismlaridagi tarixiy shaharlar va hokazo”, — deydi Chernishenko.

Avvalroq “Korzinka.uz” supermarketlar tarmog‘i asoschisi Zafar Hoshimov Ukrainadagi voqealarning O‘zbekiston iqtisodiyotiga ta’siri haqida gapirib berib, hozir ko‘plab davlatlar Rossiya hamda Belarus uchun yopiqligi va O‘zbekistonga sayyohlik hajmi o‘sishini ta’kidlagandi. Bundan tashqari, Rossiya fuqarosi yangi “Betmen”ni tomosha qilish uchun 2,5 million so‘m sarflab O‘zbekistonga kelgani to‘g‘risida xabar berilgandi.

Izoh
Asosiy yangiliklar
Sport
Iskandarov — eng yaxshi futbolchi, Kapadze — eng yaxshi murabbiy. O‘zbek futbolida 2022-yilning eng yaxshilari aniqlangan marosimdan fotoreportaj
Madaniyat
Farzandidan ayrilgan, 3 soat uxlagan, hojatxonada farroshlik qilgan: muvaffaqiyatga erishish yo‘lida turli qiyinchiliklardan o‘tgan yulduzlar (foto)
Mahalliy
“Sirdaryoda bir so‘m ham o‘g‘irlanmaydigan, korrupsiyasiz tizim yaratilishi kerak” — Sardor Umurzoqov