АОКАда ўтказилган брифингда Монополияга қарши курашиш қўмита раиси ўринбосари Бекзод Умматов тизимда 2021 йилда амалга оширилган ишлар юзасидан маълумот берди.
Қайд этилишича, табиий монополиялар фаолиятини тартибга солиш соҳасида бир қатор ишлар амалга оширилган. Табиий монополия субъектларининг шартномалари тўлиқ хатловдан ўтказилган ва рақобат ҳамда истеъмолчилар ҳуқуқларини ҳимоя қилиниши бўйича тўлиқ мувофиқлаштирилган. Оммавий шартномалар Монополияга қарши курашиш қўмитаси билан келишилиши тизими йўлга қўйилган.
Коммунал тўловларда 100 мингдан ортиқ аҳолидан ортиқча олинган 8 миллиард сўмлик тўловлар аҳоли фойдасига қайта ҳисоб қилинган. Хусусан, мингдан ортиқ оилавий корхоналарга тарифларни ошириб қўллаш натижасида 1,5 миллиард сўм қайтарилган.
Биргина Тошкент шаҳрида жойлашган кўп қаватли уй қурилиши билан шуғулланувчи тадбиркордан асоссиз равишда электр энергияси учун ундирилган 1,7 миллиард сўм тадбиркор фойдасига ҳисоб-китоб қилинган.
Темир йўл хизматларини кўрсатишда имтиёзларни қўлламаслик ҳамда қўшимча хизматларни тиқиштириш ҳолатлари бартараф этилиши натижасида 300 миллион сўм маблағ тадбиркорлар фойдасига ҳал қилинган.
Мавзуга доир:
- Ўзбекистонда 2019 йилги тест синовларида абитуриентлардан қарийб 900 млн сўм ортиқча тўлов ундирилгани маълум бўлди
- Андижонда фуқаронинг МИБ ҳисобига ўтказиб юборган ортиқча 7,5 миллион сўмни қайтариш учун 3 млн сўм талаб қилган банк юристи ва МИБ ходими қамоққа олинди
- МИБ хусусий бандлик агентлигидан жабр кўрган 484 нафар фуқарога 1,1 млрд сўм зарарни қайтарди
Изоҳ (0)