Қарши шаҳридаги 1-сонли ихтисослаштирилган умумтаълим мактаби ўқувчиларининг мактаб деворидан ошиб тушгани ва шаҳардаги 11-сонли мактаб ўқувчилари билан муштлашгани хабар берилганди. «Дарё» сўровига жавоб берган вилоят ИИБ ахборот хизмати раҳбари Жавлон Бахтиев бу бўйича 12 нафар ота-она жавобгарликка тортилганини маълум қилди.
Вилоят ИИБ ахборот хизматининг аниқлик киритишича, мактаб ўқувчиларининг ўзбошимчалиги кеча, 16 февраль куни соат 10:00 да содир бўлган.«Ҳолат масъуллар томонидан ўрганиб чиқилди. Мактабда ота-оналар ва мактаб раҳбарияти, шунингдек, Қарши шаҳар ИИБ инспектор психологлари иштирокида муҳокама йиғилиши бўлиб ўтди. Ва 12 нафар ўқувчининг ота-онасига нисбатан маъмурий жавобгарлик тўғрисидаги кодекснинг 47-моддаси 1-қисми билан баённома расмийлаштирилиб, тегишли тартибда чора кўрилди», — дейилади вилоят ИИБ ахборот хизмати хабарида.
Аввалроқ ушбу мактабда аввал ҳам жамоатчилик эътирозига сабаб бўлган воқеа — прокурор ўғлининг синфхонада ҳожатини чиқариш ҳодисаси рўй бергани, унинг ота-онаси ҳам жавобгарликка тортилгани хабар берилганди.
Изоҳ (0)