AOKAda o‘tkazilgan brifingda Monopoliyaga qarshi kurashish qo‘mita raisi o‘rinbosari Bekzod Ummatov tizimda 2021-yilda amalga oshirilgan ishlar yuzasidan ma’lumot berdi.
Qayd etilishicha, tabiiy monopoliyalar faoliyatini tartibga solish sohasida bir qator ishlar amalga oshirilgan. Tabiiy monopoliya subyektlarining shartnomalari to‘liq xatlovdan o‘tkazilgan va raqobat hamda iste’molchilar huquqlarini himoya qilinishi bo‘yicha to‘liq muvofiqlashtirilgan. Ommaviy shartnomalar Monopoliyaga qarshi kurashish qo‘mitasi bilan kelishilishi tizimi yo‘lga qo‘yilgan.
Kommunal to‘lovlarda 100 mingdan ortiq aholidan ortiqcha olingan 8 milliard so‘mlik to‘lovlar aholi foydasiga qayta hisob qilingan. Xususan, mingdan ortiq oilaviy korxonalarga tariflarni oshirib qo‘llash natijasida 1,5 milliard so‘m qaytarilgan.
Birgina Toshkent shahrida joylashgan ko‘p qavatli uy qurilishi bilan shug‘ullanuvchi tadbirkordan asossiz ravishda elektr energiyasi uchun undirilgan 1,7 milliard so‘m tadbirkor foydasiga hisob-kitob qilingan.
Temir yo‘l xizmatlarini ko‘rsatishda imtiyozlarni qo‘llamaslik hamda qo‘shimcha xizmatlarni tiqishtirish holatlari bartaraf etilishi natijasida 300 million so‘m mablag‘ tadbirkorlar foydasiga hal qilingan.
Mavzuga doir:
- O‘zbekistonda 2019-yilgi test sinovlarida abituriyentlardan qariyb 900 mln so‘m ortiqcha to‘lov undirilgani ma’lum bo‘ldi
- Andijonda fuqaroning MIB hisobiga o‘tkazib yuborgan ortiqcha 7,5 million so‘mni qaytarish uchun 3 mln so‘m talab qilgan bank yuristi va MIB xodimi qamoqqa olindi
- MIB xususiy bandlik agentligidan jabr ko‘rgan 484 nafar fuqaroga 1,1 mlrd so‘m zararni qaytardi
Izoh (0)