Беллингҳемдан Фатигача. Дунёнинг энг истиқболли ёш футболчилари рейтинги эълон қилинди

FourFourTwo 19 ёшдан катта бўлмаган иқтидорли футболчилар рейтингини эълон қилди.

Унга кўра, «Боруссия Д» ярим ҳимоячиси Жуд Беллингҳем 19 ёшгача бўлган энг истиқболли футболчига айланди. 50 талик рўйхатда иккинчи ўринни «Барселона» футболчиси Педри эгаллади, учинчи ўринда эса унинг жамоадоши Ансу Фати қайд этилди.

Топ-10 ликдан Ҳарви Эллиот («Ливерпуль»), Жамал Мусиала («Бавария»), Гави («Барселона»), Фабио Карвальо («Фулҳэм»), Эндрик («Палмейрас»), Флориан Вирц («Байер») ва Райан Гравенберх («Аякс») ўрин олди.

Валентино Ливраменто («Саутҳэмптон»), Юссуфа Мукоко («Боруссия Д»), Эдуардо Камавинга («Реал»), Жованни Рейна («Боруссия Д») ва Амад Диалло («Манчестер Юнайтед») кейинги ўринларни банд этган.

«Барселона»нинг собиқ футболчиси, ҳозирда трансфер ҳуқуқи «Лейпциг»га тегишли бўлган Илайш Мориба 21-ўриндан, «ПСЖ» футболчиси Нуну Мендеш 24-ўриндан, «Манчестер Юнайтед» аъзоси Энтони Эланга эса 26-ўриндан жой олди.

Тўлиқ рўйхат билан бу ерда танишиш мумкин.