Bellinghemdan Fatigacha. Dunyoning eng istiqbolli yosh futbolchilari reytingi e’lon qilindi

FourFourTwo 19 yoshdan katta bo‘lmagan iqtidorli futbolchilar reytingini e’lon qildi.

Unga ko‘ra, “Borussiya D” yarim himoyachisi Jud Bellinghem 19 yoshgacha bo‘lgan eng istiqbolli futbolchiga aylandi. 50 talik ro‘yxatda ikkinchi o‘rinni “Barselona” futbolchisi Pedri egalladi, uchinchi o‘rinda esa uning jamoadoshi Ansu Fati qayd etildi.

Top-10 likdan Harvi Elliot (“Liverpul”), Jamal Musiala (“Bavariya”), Gavi (“Barselona”), Fabio Karvalyo (“Fulhem”), Endrik (“Palmeyras”), Florian Virts (“Bayer”) va Rayan Gravenberx (“Ayaks”) o‘rin oldi.

Valentino Livramento (“Sauthempton”), Yussufa Mukoko (“Borussiya D”), Eduardo Kamavinga (“Real”), Jovanni Reyna (“Borussiya D”) va Amad Diallo (“Manchester Yunayted”) keyingi o‘rinlarni band etgan.

“Barselona”ning sobiq futbolchisi, hozirda transfer huquqi “Leypsig”ga tegishli bo‘lgan Ilaysh Moriba 21-o‘rindan, “PSJ” futbolchisi Nunu Mendesh 24-o‘rindan, “Manchester Yunayted” a’zosi Entoni Elanga esa 26-o‘rindan joy oldi.

To‘liq ro‘yxat bilan bu yerda tanishish mumkin.