Футбол бўйича Чемпионлар Лигаси 1/8 финалида «Реал» 0:1 ҳисобида «ПСЖ»га имкониятни бой берди.
«ПСЖ» зарбалар борасида 22:3 ҳисобида катта устунликка эга бўлди. Улардан 8 таси аниқ бўлган, мадридликлар эса бирорта аниқ зарба йўллай олмаган.
Парижликлар бош мураббийи Маурисио Почеттино Чемпионлар Лигаси доирасида учинчи бор «Мадрид» клуби билан тўқнаш келди. Уларнинг иккитасида ғалаба қозонган ва биттасида дуранг ўйнаган.
2017/18 йилги мавсумда аргентиналик мутахассис қўл остида «Тоттенҳэм» «Реал» билан бир гуруҳга тушган. Мадридда бўлиб ўтган ўйинда дуранг натижа қайд этилган бўлса, Лондонда «шпорлар»нинг қўли баланд келган.
Почеттино умумий ҳисобда Чемпионлар Лигасида испан жамоаларига қарши етти марта ўйин ўтказган. Биттасида мағлубиятга учраган, учта баҳсда дуранг натижа қайд этилган, қолган уч учрашувда ғалаба нашидасини сурган.
Янада кўпроқ футбол ва спорт янгиликларидан boxабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)