Янги Зеландия Ташқи ишлар вазирлиги ўз фуқароларини Украина ҳудудини зудлик билан тарк этишга чақирди, деб хабар беради «Интерфакс».
Идора томонидан эълон қилган баёнотда ушбу чора «Россия ва Украина ўртасидаги зиддиятнинг ортиб бораётгани» билан изоҳланган.
Австралия бош вазири Скотт Моррисон ҳам мамлакат фуқароларига шу каби мурожаатни йўллаган. Австралия ОАВларининг ёзишича, у Украинадаги вазиятни «жуда хавфли» деб атаган.
10 февралда АҚШ давлат департаменти фуқароларга Украинага бормаслик ёки зудлик билан Россия ҳарбий ҳаракатлари хавфи бўлган ва COVID-19 билан касалланишлар кўпайган ҳудуддан кетишни тавсия этган. АҚШ президенти Жо Байден Украинадаги барча америкаликлардан ҳозироқ мамлакатдан кетишни сўраган. 11 февраль куни эса Нидерландия, Черногория, Япония ва Жанубий Корея ўз фуқароларига Украинага бормасликни тавсия қилди ва у ерда бўлганлардан мамлакатдан чиқиб кетишни сўради.
Шунингдек, Латвия ТИВ ҳам ўз фуқароларига Украинадан чиқиб кетишни маслаҳат берган.
Россия ҳарбийларининг Украина чегараларига жойлашиши туфайли АҚШ, Австралия, Буюк Британия, Германия, Канада, Япония, Исроил Украинадаги дипломатларининг бир қисми ҳамда уларнинг оилаларини бошқа ерга эвакуация қилган.
Изоҳ (0)